Friday, May 28, 2010

పర్ణశాల బ్లాగ్ పై ఒక సమీక్షా వ్యాసం

పోకిరి సినిమా లో చివర్లో మహేష్ బాబు, ఆశీష్ విద్యార్థి నుద్దేశించి ఇలా అంటాడు.

"ముల్లు ను ముల్లుతోనే తీయాలి.. కానీ ఆ ముల్లును తీయడం లో ఈ ముల్లు సహాయం చేసింది కదా అని ఇది మంచి ముల్లు అయిపోదు! ఇది కూడా ముల్లే..! "

యథాతధంగా ఇదే కాక పోయినా ఇంచుమించు ఇదే అర్థం తో డైలాగ్ ఉంటుంది. ఎందుకిదంతా చెపుతున్నాను అంటే..

దాదాపు గా ఒక సంవత్సరం అటూ ఇటూ గా ఈ సదరు పర్ణశాలను నేను చదువుతున్నాను. మొదట్లో బ్లాగు రచయిత వ్రాసే కొన్ని వ్యాసాలు బాగా నచ్చి చదవడం కొనసాగించాను. కానీ ఈ సంవత్సర కాలం గా నేను ఆ బ్లాగు లో చదివిన హిందూత్వ వ్యతిరేక భావజాలం, హిందూ ధర్మం లో మాట్లాడవలసి వస్తే "బ్రాహ్మిణికల్ ఆటిట్యూడ్" అంటూ ప్రత్యేకించి ఒక కులానికి సంబంధించిన వారి మనసులు జివ్వు మనేలా వ్రాసే వ్రాతలూ, దానికి సమర్థింపులూ, వాదోపవాదాలూ చదివాక నాకు అనిపించిన భావాలను నా బ్లాగు ముఖంగా మీతో పంచుకోవాలనిపించి నేను చేస్తున్న చిన్న ప్రయత్నం ఇది.. నా వాదన మీ భావాల పట్లే కానీ వ్యక్తిగతంగా మీ గురించి కాదని నేను మరో సారి ప్రత్యేకించి చెప్పక్కర్లేదు అనుకోంటాను

అయ్యా.. మీరు బ్లాగ్ వ్రాయడానికి మతం, కులం, దేవుళ్ళూ తప్ప మరో వ్రాయదగ్గ విషయం దొరకదా? వేరేవి కూడా వ్రాసాను అంటారా.. కానీ "అశ్వథ్థామా హతః కుంజరః" అన్నట్లు, కొన్ని వ్రాసి ఉండొచ్చు గాక! కానీ సింహ భాగం - "దళితుల ఉద్యమం", "గొడ్డు మాంసం", "నగ్న దేవతలు" వీటి తోనే నిండి పోతాయేంటి? ( మీరు చెప్పిన కొన్ని దళిత బ్లాగులు చూసాను .. "2050 కల్లా బ్రాహ్మణుల సంఖ్య బాగా తగ్గి పోతుంది.." లాంటి మహత్తర విషయాలపై వ్రాసిన ఆ వ్రాతలు విషం చిమ్మటం కాక మరేమిటి?

మీకు ఒక విషయం చెప్పనా.. మీరు దళిత బ్లాగుల లిస్ట్ ఇచ్చాక, అది చదివి, అందులో కామెంట్స్ చూసాక నాకు ఈ వ్యాసం వ్రాయాలనిపించింది..ముందు ఉదాహరణ లాంటి విషయం ఒకటి చెపుతాను..

"ఇస్లాం తీవ్రవాద శిబిరాల్లో" అక్కడి యువకులకు వాళ్ళు చెప్పే విషయాలు ఇస్లాం మతం గొప్పదనాన్ని వర్ణించేవి గా ఉండవట.. తమ మతాన్ని ఇతర దేశాలు, ఇతర మతాలు ఎలా అణగదొక్కుతున్నాయి అని కథలు కథలు గా చెప్పి, వారిలో ఆవేశాన్ని రెచ్చగొట్టేలా చేస్తారుట! ఆ మత్తులోబడి, మరి యే ఇతర మతస్థుడూ మనిషే కాదన్న మూఢత్వంతో ఆ సదరు యువకులు ఎన్ని అఘాయిత్యాలు చేస్తారో ప్రపంచం మొత్తానికి తెల్సిందే.. ఇందులో తప్పెవరిదంటారు..? ఊళ్ళు తగలేసే ఆ యువకులదా? కసబ్ ను ఉరి తీయాలి అని భారత దేశం లో ప్రతీ ఒకరు ఆవేశం తో ఊగిపోయారు.. ఆ మానవ మృగం చేసిన ఘోరం అలాంటిది మరి.. కానీ వాడు కూడా బేసిక్ గా మనిషే కదా.. సాటి మనిషిని కర్కశంగా , పాశవికం గా ఉసురు తీసే ఆ మృగత్వం ఎక్కడ నుండి వచ్చిందంటారు? వాడికి అలా శిక్షణ ఇచ్చిన వాళ్ళే కదా అందుకు కారణం..? మరి వాళ్ళకు ఎన్ని మరణ శిక్షలు విధించాలి?

ఇదంతా ఎందుకు చెప్పాల్సి వచ్చిందంటే.. మీ బ్లాగు లో మీరు వ్రాసే భావజాలం కూడా అలాగే ఉంటుంది మరి.. మీరు "హిందూత్వ తీవ్రవాదులు" అంటూ వ్రాసే వ్రాతలు.. ఖచ్చితంగా బాధించేవే ఔతాయి మరి! ఎవరి జోలికీ వెళ్ళకుండా, ఎవరినీ బాధించకుండా తమ పని తాము చేసుకు పోయే హిందువులను, రక రకాల పేర్లతో తీవ్రవాదం తో మట్టుపెట్టడం మొదలెడితే.. దాన్ని ప్రతిఘటించడం తీవ్రవాదమా.. లేక ఆత్మ రక్షణా..? ప్రపంచ వ్యాప్తంగా ఉన్న ఆ ఇస్లాం తీవ్రవాదం గురించి ఆచి తూచి కామెంట్ చేసే మీరు, హిందువులు అనగానే ఎందుకు విరుచుకు పడతారు? మీరు ఇలాంటి వ్రాతలు వ్రాసి, దాన్నెవరైనా ఖండిస్తే..ఆ ఖండనను "ఆభిజాత్యపు పొరల్లోంచి వచ్చిన మాటలు" గా ఎలా ఖండిస్తారు? మీ వ్రాతలను సహేతుకంగా ప్రశ్నిస్తే అది ఆభిజాత్యమా? లేక సమాధానం చెప్పలేక మీరు చేసే ఎదురు దాడా?

ఎప్పుడో చరిత్ర మొదట్లో హిందూ ధర్మం కాస్తా హిందూ మతం గా పరిణమించి ఉండొచ్చు గాక, అప్పట్లో అగ్ర వర్ణాలు నానా యాగీ చేసుండొచ్చు గాక, గొడ్డు మాంసం తినడం నిషేధించి ఉండొచ్చు గాక..కానీ ఇప్పుడు ప్రపంచమే ఒక కుగ్రామం గా మారి పోయిన ఈ నవతరం లో, కులాలు, మతాల మధ్య వైరుధ్యాలు చెరగి పోతున్న ఈ ఆధునిక జీవనం లో, ఒక హిందువూ, ఒక క్రైస్తవుడూ, ఒక మహమ్మదీయుడూ కలసి మెలసి సంఘటితం గా విజయాలు సాధిస్తూన్న ఈ కాలం లో.. మీరు ఇలాంటి చచ్చు పుచ్చు వ్రాతలు వ్రాసి సాధించాలనుకొన్నది ఏమిటి? అలా వ్రాయడం , ఆరుతున్న మంటలను ఎగదోయడం కాదా? ఎలాంటి ఆలోచనలు లేని వాడికి కూడా.. "ఔరా .. ఒకప్పుడు ఈ అగ్రవర్ణాలు మమ్మల్ని అణగ దొక్కాయి.. వీళ్ళు మనకు శత్రువులు" అని అన్యాపదేశం గా మీరు చేస్తున్న ఉపదేశం కాదా? అనవసరం గా కులపిచ్చిని, మత పిచ్చిని ప్రోత్సహించడం కాదా? ఎప్పుడో ఎవరో కొట్టుకు చస్తే, దాన్ని ఇప్పుడు భూతద్దం లో చూపి - ఆ గొడవలను తర తరాలు గా కొనసాగించేలా చూడడమా మీ వ్యాసాల ఉద్దేశ్యం? మాట్లాదితే "సాధికారతా స్వరాలు" అంటారు... మనిషి కి మనిషి కి మధ్య లేని/అంతరిస్తున్న భేదాలను సృష్టించే ఆ స్వరాలు మీకు "సాధికారతా స్వరాలు" గా వినిపించొచ్చేమో కానీ.. మానవత్వం మంటగలిపే వైషమ్యాలను సృష్టించే గావుకేకలు గా మాత్రమే చాలా మందికి అనిపిస్తాయి మరి.. మీ వ్రాతల ద్వారా మీరు సాధిస్తున్నది ఏమిటి? ఈ ప్రశ్నకు మీరు ఎవరికీ జవాబు చెప్పనక్కరలేదు.. మీకు మీరే సమాధానం ఇచ్చుకోండి. "నా ఆత్మ సంతృప్తి కై నే వ్రాసుకొంటా" అంటే, మరి మీ ఆత్మ సంతృప్తి మరొకరి మనో వేదనకు కారణం కాకూడదు కదా.. లేదు ...నా పద్దతే అంతా అంటారా.. ఇక చెప్పేదేముంటుంది? మీ పద్దతి అదే ఐతే దాన్ని ఇంగ్లీష్ లో "సాడిజం" అంటారు. పది మంది బాధ వల్ల కలిగే సంతృప్తి "సాడిజమే" కదా!

అయ్యా.. మీరు వ్రాస్తున్న ఈ వ్రాతల వల్ల - జనాల్లో అసహనం పెరుగుతోంది.. ఇస్లామిక్ తీవ్రవాద శిబిరాల్లో చేసే బోధనల్లా ఉంటున్నాయ్ మీ వ్రాతలు! మతం అనేది ఒక నమ్మకం, ఒక సున్నితమైన మానసికమైన విషయం. మనందరినీ రక్షించే వాడు ఒకడున్నాడు అని అనుకొంటే మనిషి కష్టాల్లోకొండంత బలం తో ముందుకు వెళ్ళగలుగుతాడు. ఆ రక్షించే వాడిని ఒక్కో మతం వాళ్ళు ఒక్కొ రకంగా పిల్చుకొంటారు.. కొందరు రాముడంటారు, కొందరు క్రీస్తంటారు. క్రీస్తును నమ్మే వాడి కారణాలు వాడికుండొచ్చు.. కానీ రాముణ్ణి పూజించే వాడిని కించపరిచే హక్కు వాడికి లేదు గాక లేదు..! ఈ చిన్న తర్కాన్ని విస్మరించి.. పూర్వం హిందూ దేవతలు బట్టలు వేసుకోవడం నేను చూళ్ళేదు.. రాముడి గొప్పేంటి లాంటి అజీర్తి వ్రాతలు యే సమ సమాజం కొరకంటారు? వాల్ పోస్టర్ల మీడ అశ్లీల దృశ్యాలుంటేనే మహిళా సంఘాలు గోల చేస్తుంటాయి.. అలాంటిది.. మనం పవిత్రం గా పూజించే దేవతలు బట్టలు వేసుకోరు అంటు పిచ్చి వ్రాతలు వ్రాస్తే.. ఆ వ్రాతలు ఆ దేవతలను పూజించే వారి మనసులను ముక్కలు చెయ్యవా? అలా బాధ పడ్డారంటే వాళ్ళకు అసలు హిందూ ధర్మమే తెలీదు, క్రీ.పూ. రామనుజా చార్యుల ప్రకారం.. ఫలానా సమయంలో ఫలానా దేవతలకు బట్టల్లేవనే విషయమే నీకు తెలీదు, నువ్వు బాధ పడ్డానికి కూడా అనర్హుడివి అని మీరు చేసే హుంకరింపులు ఎంత దాకా సమంజసం ?

నేను భక్తి గా ఒక దేవతను కొలుచుకొంటాను.. నాకు హిందూ మతం ఎప్పుడు పుట్టిందో, ఎవరు ఎవరిని అణగ దొక్కారో అనవసరం, తెల్సుకోవాల్సిన అవసరం లేనే లేదు.తెల్సుకొని సాధించేదీ ఏమీ లేదు ! మతం.. మతం అంటూ కొట్టుకు చచ్చిన ఆ పూర్వకాలపు మూర్ఖత్వం నేను తృణీకరిస్తాను. కానీ ఈ ప్రపంచం అంతటినీ రక్షించే ఒక మహోజ్వలమైన శక్తి ఒకటి ఉంది అని మాత్రం మనః పూర్తిగా విశ్వసిస్తాను. ఆ శక్తి కే నేను దేవుడు అని పేరు బెట్టుకొన్నను.. ఆ శక్తి కి ఒక రూపం ఇచ్చాను.. ఆ రూపాన్ని రాముడన్నాను.. ఆ రాముడి భార్య సీత అన్నాను. ఇప్పుడు చెప్పండి - "నగ్న దేవతల" గురించి మీ సమర్థన ఎందుకు ఒప్పుకోవాలి? నేను దైవం గా కొలిచే వారికి ఒక పవిత్రత నేను ఇచ్చుకొన్నాను.. ఎప్పుడొ రాజ రాజ చోళుడు ఇచ్చాడా లేదా అనేది నాకు అనవసరం.. అలా అని ఇరవై నాలుగు గంటలు "రామా..రామా" అంటు కూచోను.. "రామా ... రామా" అని ఎవరైన అనక పోతే వాడి పీక తెగ నరకను ... నా బాధ్యత నేను నిర్వర్తిస్తూ, పక్క వాడిని గౌరవిస్తూ,చేతనైనంత వరకూ నా పరిధిలో ఇతరులకు(వాడు హిందువా, క్రైస్తవుడా, దళితుడా అని చూడకుండా) సహాయ పడుతూ ఉండే నేను.., నా కష్టం లో సుఖం లో నేను ఆరాధనగా నా ఇష్ట దైవాన్ని కొలుచుకొంటుంటే,నా దైవానికి "నైతికత ఉందా.. సీతను వదిలేసాడా..రావణుడు ఎందుకు గొప్పవాడు కాదు" అని ఎవరైనా అంటే.. నాకు కోపం వస్తే అది నా ఆభిజాత్యం ఎలా ఔతుంది? అలాంటప్పుడే మీ లాంటి వారి వ్రాతలు చిరాకు తెప్పిస్తాయి. ఏమిటీ మనిషి? కులం, మతం అంటూ విద్వేషాలు విరజిమ్ముతున్నాడు. ఇతగాడికి వేరే పనీ పాటా ఏమీ లేదా అని..నేను పూజించే దేవతలను కించ పరిచే హక్కు ఇతగాడికెవరు ఇచ్చారు..నా నమ్మకాన్ని ఎద్దేవా చేసే హక్కు ఇతడికెక్కడిది? అని!

అయ్యా మీరు జనాన్ని ఉధ్ధరించాలి అనే అనుకొంటే.. వెళ్ళండి ....జనం లోకి వెళ్ళండి..

పతితులు, భ్రష్టులూ, బాధా సర్పద్రష్టులూ అనేకమండి ఏడుస్తున్నారు.. అన్నమో రామచంద్రా అని విలపిస్తున్నారు. మీ జగన్నాధ రధ చక్రాలు వారి వైపు నడిపించండి.. వారికి మీ చేతనైన సహాయం చెయ్యండి, అణగ దొక్క బడ్డ వాళ్ళకు చేయూత అందించండి.. అది వదిలేసి, హిందూ ధర్మం గురించి విమర్శనా వ్యాసాలు వ్రాసి మీరు సాధించే విప్లవం ఏంటొ నాకైతే అర్థం కావడం లేదు. అనవసరమైన కుల చిచ్చునూ మత చిచ్చునూ రెచ్చగొట్టడం తప్ప ! హిందూ మతం లో సారం లేదనో, అసలు మతమే కాదనో, లేక వాళ్ళ దేవతలు బట్టలు వేసుకోలేదనో మీరు నిరూపించి ఒరగబెట్టేది మాత్రం ఏమీ లేదు.. సున్నితమైనా ఈ భావలను కెలకడం వల్లే, ఈ మత చిచ్చు, కుల చిచ్చు ఆరకుండా రగులుతూనే ఉంది..

ఏ మతానికి సంబంధించిందని, ఏ దేశానికి సంబంధించిందని , మదర్ తెరీసా ను ప్రపంచ ప్రజానీకం దేవత గా అభివర్ణిస్తారు..? అలాంటి సమాజోపయోగ కార్యక్రమాలు చెయ్యండి.. లేదు అంత శక్తి నాకు లేదు .. నేను నా భావజాలం తో మాయా జాలం సృష్టిస్తా అంటారా.. మతోన్మాదాన్ని రెచ్చగొట్టి, ఎందరో మనసులకు తూట్లు పొడిచే మీ చెత్త వ్రాతలను పక్కనబెట్టి, మీకు భారత రాజ్యాంగం బాగా తెల్సు అన్న విషయం మాకు అర్థమయింది.. ఆ రాజ్యాంగం సామాన్యుడికెలా ఉపయోగ పడుతుంది. ఎవరికి ఏ హక్కు ఉంది లాంటి విషయాలు వ్రాస్తే కనీసం ఒకరికైనా అది ఉపయోగ పడుతుంది.. లేదు.. నేను ఇలానే వ్రాస్తాను అంటే.. అప్పుడూ హిందూ తీవ్రవాదం పెరుగుతోందని వ్యాసాలు వ్రాయడం మానుకోండి. ఎందుకంటారా.. మరి మీలాంటి వారే కదా దానికి కారణం.. మీరే కదా అనవసర విద్వేష సృష్టి కర్తలు! మానవీయత నుదుటన ఆరని నెత్తుటి మరకలు! భేషజం ఆభిజాత్యం అని అందర్నీ అనడం కాదు. మీరు మీ ఆత్మ న్యూనతా పొరల్లోంచి, సినిసిజపు కోరల్లోంచి బయటపడి ఆలోచించండి.. లోపం ఎక్కడుందో అర్థమౌతుంది.. !

మీరు ఒకప్పటి కుల-మత ఆభిజాత్యపు ముల్లును, మీ భావజలపు ముల్లుతో తీస్తున్నాను అనుకొంటున్నారు. కానీ మీరు వాడేదీ ముల్లే అని, ఆ ముల్లు కూడా మీకు ఎటువంటి మనశ్శాంతినీ ఇవ్వదని గ్రహించిన రోజు.. మీకు సత్యం బోధపడుతుంది..మీరు శోధించీ సాధించిన జ్ఞానానికి సార్థకత చేకూరుతుంది.

43 comments:

Anonymous said...

Yes, you are 100% right. I completely agree with you.

Anonymous said...

wow...excellent

mmkodihalli said...

మీ అంతర్మథనానికి అర్థం ఉంది. అయితే చెవిటి వాళ్ళ ముందు శంఖం వూదితే ఏం లాభం?

Anonymous said...

chala correct ga chepparu... i felt same while reading that blog... atleast ippudaian change cheste it will good .....

Kathi Mahesh Kumar said...

You have already taken a stand. So, I have nothing to explain but give you some perspective.

1. నేను చేస్తున్న పని ముల్లుది కాదు Forceps ది. Its an operation and my approach is an operating tool.

2. బ్రాహ్మనిజం, బ్రాహ్మణికల్ ఆటిట్యూడ్ అనేవి కులానికి సంబంధించిన పదాలు కావు. భావజాలానికి సంబంధించిన academical coinage.ఇవి నేను కొత్తగా అంటున్నవికావు.మీకు కొత్తగా అనిపిస్తే అది మీ అవగాహనారాహిత్యం.

3.I write about all those things that effect me as an individual.If you chose only to see caste and religion...in my blog, that's obviously your problem, not mine.

4.దళిత బ్లాగుల్ని ఇస్లామిస్టు టెర్రరిస్టు భావజాలంతో పోల్చారు. But let me tell you, అలా దళితభావజాలం కాకూడదని మీరు దేవుడిని అర్జంటుగా ప్రార్థించుకోవడం మంచిది. పగ,ప్రతీకారం,ద్వేషం, హింసను దళితవాదం ప్రేరేపించేట్లయితే ఇప్పటికి ఎన్ని తలలు తెగిపడేవో ఒకసారి ఆలోచించుకో. If you want to drive Dalit movement towards it...just think it over.

5. హిందుత్వ త్రీవ్రవాదం గురించి నేను రాసే టపాలు మీలో ఇంత విద్వేషాన్ని రగిలిస్తే జాతీయ పత్రికలూ ఛానళ్ళను చూసి మీరు ఎంతగా రియాక్టవుతారో! ఓహో..బహుశా మీరు వాటిని చదవరనుకుంటాను. Hindu terrorism is a fact..let's face it.

6.నేను ప్రజల్లోనే ఉన్నా...మీరే ఏదో ఊహాలోకాల్లో బ్రతుకుతున్నట్లున్నారు. Please wake up.

kvrn said...

very powerful arguments. nicely written.

Knight Rider said...

దేవాలయం లో విగ్రహాలను చూసి బూతు బొమ్మలు అనుకునేవాళ్ళకు ఏమీ చెబుతాం. కొన్ని జీవితాలు అంతే. ఇప్పుడు మీ బ్లాగు పై "అగ్రవర్ణ జాత్యహంకర" ముద్ర వేస్తాడేమో. ఏమైన చాలా చక్కగా విశ్లేషించారు. హిందుత్వ తీవ్రవాదులా...?!?!?!?! నిజంగా నాకు తెలియదు. నాకంత టీవీ ఛానెల్ పరిజ్ఞానం లేదు లెండి. వీళ్ళు ఏమైన టవర్లు పేల్చెశారా...హొటెల్స్ లో చొరబడి జనాల్ని చంపేశారా...దశాబ్దాలుగా ఇస్రేల్ ను నిద్ర పోనివ్వడం లేదా...లండన్ ఏర్‌పోర్ట్ లో బాంబ్ లు పెట్టారా...దేవాలయల్ని దిగ్భందం చేశారా...ఏమీ చేశారు అయ్యా....అయ్యగారు దలైలామా ని కూడా బుద్ధ తీవ్రవాది అని అంటారేమో.
అయినా తన ప్రేమికురాలి (నా కాలేజీ జీవితం... అనే తొక్క లో ధారావాహిక బ్లాగు పోస్ట్) గురించి అంత చీప్ గా రాసిన కత్తి గారి గురించి చెప్పడం మన వల్ల కాదు. అయిన ఆయన గారు రాసే కంటే అక్కడా ఇక్కడా సంగ్రహించి (కాపి / పేస్ట్) రాయడమే ఎక్కువ.
మానసిక వైపరీత్యం తో కొట్టుమిట్టాడుతున్న కత్తి మహేశ్ కుమార్ గారి కి నా ప్రగాడ సానుభూతి...తొందరలో మీరు(కత్తి మహేశ్ కుమార్) కోలుకుని బ్లాగు రాసే పని పక్కన పెట్టాలని నా ప్రార్థన.

సమైక్యవాది said...

సార్ ముందుగా ఆయన రాసిన రాతలు నచ్చి నేనూ నా గూగుల్ రీడర్ లోకూడా ఉంచుకున్నాను. కొన్ని వ్యాసాల తర్వాత అచ్చం మీలాగే అసహనానికి, అశాంతికి గురయ్యాను. ఇప్పుడు ఆయన రాతల గురించి అంత ఇంపార్టెన్స్ ఇవ్వడం కూడా దండగే. మురళీ మోహన్ గారు చెప్పినట్లు చెవిటి వాడి ముందు శంఖం ఊదడం, దున్నపోతు మీద వాన కురవడం లాంటి ఎన్ని సామెతలైనా ఆయనకు సరిపోవు. ఆయనిచ్చిన దళీతబ్లాగుల జాబితా నుంచి మచ్చుకకి ఒక బ్లాగు చదివి అవి ఎలాంటి బ్లాగులో తెలుసుకుని ఓ కామెంట్ చేస్తే నేను విషం చిమ్ముతానంట. అసలు ఆయన బ్లాగ్ లోకపు విషవృక్షం. ఆయన గురించి ఎంత తక్కువ మాట్లాడుకుంటే అంత మంచిది.ఛీ ఇప్పటి దాకా ఆయన గురించి ఇంత రాశానా....

Anonymous said...

మీకు కలిగిన బాదని తక్కువ చేసి చూపడం కాదు గానీ, మీరు బాధ పడతారని అతన్ని రాయొద్దు అనలేం కదా. మనం అతని బ్లాగును చదవడం మానేయొచ్చు. ఇంత బాధ పడాల్సిన అవసరం లేదు.

Anonymous said...

మాష్టారు, నేను ఒకటే ముక్క చెప్తా. మీరు చాలా ఆలస్యంగా కళ్ళు తెరిచారు. చేది మూర్ఖుని మనసు రంజింపలేము. కావాలంటే ఆ వ్యాసాలు చదివి హాయిగా నవ్వుకోండి. అంతేగాని బీపీ తెచ్చుకోవద్దని సలహా

Vinay Chakravarthi.Gogineni said...

now i read to tal post nice .explanation........

Anonymous said...

chal baga rasarandi .. ,ippudu mimmalani mecchukunte malli agravarnala adi pathyam antademo .
Malli sc/st cases emina pedatademo ..
vadu e roju varaku janalaki vupayogapadedi okkati kuda rayaledu ..

Anonymous said...

నరనరానా ద్వేషం నిండిన వ్యక్తి రాసే రాతలు అలాగే ఉంటాయి లెండి. తన ద్వేషానికి విశాలత్వపు ముసుగూ, తన కులమనే కవచం తొడుక్కుంటాడు. ఇట్లాంటివాళ్ళని పట్టించుకోకుండా వదిలెయ్యడమే ఉత్తమం. ఎప్పుడైనా నిలదీసి అడిగితే, తన అసలు రంగు బయటపడుతోందని తెలిసినప్పుడు సైలెంటుగా తప్పుకుంటాడు. ఇలాంటి వ్యక్తులు మన దేశ దౌర్భాగ్యంకొద్దీ పుడతారు.

పబ్లిగ్గా నిలేసేవాళ్ళు వేస్తూనే ఉన్నారు. మీరూ ఇలా రాసి మంచిపనే చేశారు. చూద్దాం ఏం సమాధానం చెప్తాడో పెద్దమనిషి. (లోలోపల చంకలు గుద్దుకుంటూ ఉంటాడు - తను ద్వేషించే మతంవాళ్ళూ, కులంవాళ్ళూ ఆక్రోశిస్తున్నారని.)

శివ said...

excellent.I cannot agree more.

శ్రీవాసుకి said...

మీ ఆవేశం అర్థవంతంగా ఉంది. హిందువులు చేతులు ముడుచుకొని కూర్చుంటె చేతకాని వాళ్ళని వెక్కిరింపు, ఏంటి సంగతని నిలదీస్తే తీవ్రవాదం. సొంతవాళ్ళకే బాగా లోకువైపోయాము, ఇంక బయటవారినేమంటాము. తమ గొప్ప నిరూపించుకోవడానికి ప్రతీవారు హిందూ ధర్మాన్ని విమర్శించడం. ఇదో ఫ్యాషన్ ఇప్పుడు.

Anonymous said...

Superb! Well Said and Well Expressed.

Varunudu said...

జవాబు ఇస్తున్న వాళ్ళందరికీ వందనం!

ఒకే ఒక్క విన్నపం .. దయచేసి వ్యక్తిగత దూషణలు వ్రాయకండి. నాకు అభ్యంతరకరం/వ్యక్తిగత విమర్శ అనిపించిన కొన్ని వ్యాఖ్యలు ప్రచురించలేదు. క్షంతవ్యుడిని! వ్యాఖ్యలను ఎడిట్ చెయ్యడం ఎలాగో ఎవరైనా చెపితే , ఎడిట్ చేసి మిగిలిన వ్యాఖ్యలను ప్రచురించగలను.

Knight Rider said...

@కత్తి మహేష్ కుమార్
1. నేను చేస్తున్న పని ముల్లుది కాదు ఫోర్సెప్స్ ది. ఇట్స్ ఆన్ ఆపరేషన్ అండ్ మై అప్రోచ్ ఇస్ ఆన్ ఆపరేటింగ్ టూల్.
చూడు కత్తీ...మీరు ముల్లు కాదు కత్తి...నాకు తెలుసు... కానీ ఇలా బ్లాగు లోకం పై బడి పొడుస్తా అంటే కుదరదు కదా.

2. బ్రాహ్మనిజం, బ్రాహ్మణికల్ ఆటిట్యూడ్ అనేవి కులానికి సంబంధించిన పదాలు కావు. భావజాలానికి సంబంధించిన అక్యాడెమికల్ కాయ్నేజ్.ఇవి నేను కొత్తగా అంటున్నవికావు.మీకు కొత్తగా అనిపిస్తే అది మీ అవగాహనారాహిత్యం.
అవును మాది అవగాహన రాహిత్యం...మీది అతి అవగాహన సాహిత్యం


3.ఈ రైట్ అబౌట్ ఆల్ దోస్ థింగ్స్ ఠాట్ ఎఫెక్ట్ మే ఆస్ ఆన్ ఇండివిజువల్.ఇఫ్ యూ చోస్ ఓన్లీ తో సీ క్యాస్ట్ అండ్ రిలిజన్...ఇన్ మై బ్లోగ్, ఠాట్'శ్ ఆబ్వియస్లీ యౌర్ ప్రాబ్లమ్, నోట్ మైన్.
వెనకటికి ఎవడో ఒక సామెత చెప్పాడత: పచ్చ కామెర్ల రోగి కి లోకమంతా...............................
4.దళిత బ్లాగుల్ని ఇస్లామిస్టు టెర్రరిస్టు భావజాలంతో పోల్చారు. బూట్ లేట్ మే టెల్ యూ, అలా దళితభావజాలం కాకూడదని మీరు దేవుడిని అర్జంటుగా ప్రార్థించుకోవడం మంచిది. పగ,ప్రతీకారం,ద్వేషం, హింసను దళితవాదం ప్రేరేపించేట్లయితే ఇప్పటికి ఎన్ని తలలు తెగిపడేవో ఒకసారి ఆలోచించుకో. ఇఫ్ యూ వాంట్ తో డ్రైవ్ దాళిట్ మూవ్మెంట్ టువర్డ్స్ ఇట్...జస్ట్ థింక్ ఇట్ ఓవర్.
అబ్బా ...ఇదా మీ అసలు స్వరూపం...చేతనైతే ఇంకా చంపేసి దోచుకుందామనే. చూడు తమ్ముడూ...ఇంత గా విషం మనసు లో పెట్టుకోకు ఆరోగ్యానికి అస్సలు మంచిది కాదు అర్జెంట్ గా వెళ్ళి సైక్రియతిస్త్ ని కలవాల్సిందే..ఆం మీరు వెళ్ళాలి వెళ్తారు నాకు తెలుసు.

5. హిందుత్వ త్రీవ్రవాదం గురించి నేను రాసే టపాలు మీలో ఇంత విద్వేషాన్ని రగిలిస్తే జాతీయ పత్రికలూ ఛానళ్ళను చూసి మీరు ఎంతగా రియాక్టవుతారో! ఓహో..బహుశా మీరు వాటిని చదవరనుకుంటాను. హిందూ టెరరిసమ్ ఇస్ ఆ ఫ్యాక్ట్..లేట్'శ్ ఫేస్ ఇట్.
విద్వేషం కాదోయ్ కత్తి...అక్రోషం, ఆవేదన...వాళ్ళు వార్తలు సృస్టిస్తారు మీరేమో వాటిని పబ్లిష్ చేస్తారు. మేము వాటిని చదివి తరిస్తాం, భరిస్తాం.

6.నేను ప్రజల్లోనే ఉన్నా...మీరే ఏదో ఊహాలోకాల్లో బ్రతుకుతున్నట్లున్నారు. ప్లీస్ వేక్ ఉప్.
మత్తు వదాలరా తమ్ముడా..నిద్దుర మత్తు వదాలరా...ఆ మత్తు లోన పడితే గమ్మతుగా చిత్తవుడువురా...

ఇదంతా మీ సో కాల్డ్ భావాలపైనే కానీ మీ అభిజత్యపు పైత్యం పై కాదు..దానికి డాక్టర్స్ ఉన్నారు

Poorna said...

@KnightRider
Correct yar..100%
@Varundu
Thufaan srustunnaru.
Aprreciate ur efforts

Anonymous said...

very long post..... i read upto 3 paras..

@ i agree with u as well as murali's reply

ataniki cheppi waste........{Edited}

oribabo anta bataku kakkesaanu ....feeling happy.
Vinay Chakravarthi.Gogineni

Anonymous said...

మంచిగా చెప్పారు.{Edited} – 7:27

Anonymous said...

{Edited} మీ కెందుకు వృధాప్రయాస – 12:10

Anonymous said...

అసలు {Edited} గురి౦చి మాట్లాడే అర్హత ఈ భూపెప౦చ౦ లో ఎవడికీ లేదు. {Edited} సెప్పి౦దే వేద౦, మహాబారత౦, రామాయన౦. ఆన్ని ఇమర్సిత్తే దళిత పెజనికాన్ని సారీ దళిత దేవుళ్ళను ఇమర్సి౦చినట్లే. ఫోర్సెప్స్ ని పట్టుకుని ముల్లు కత్తి అ౦టారా? అసలు ఇక్కడ కమె౦టిన వాల్ల౦దరినీ కేసులో ఇరికి౦చడమో, తలలు పగలగోట్టడమో చేస్తే గానీ ఈ సమాజ౦ బాగుపడదు.

swetha said...

good post and i also agree with murali and knight Rider

Anonymous said...

duunapothumeedha vaana sametha thelsaa meeku...

Rao S Lakkaraju said...

మతం అనేది ఒక నమ్మకం, ఒక సున్నితమైన మానసికమైన విషయం. మనందరినీ రక్షించే వాడు ఒకడున్నాడు అని అనుకొంటే మనిషి కష్టాల్లోకొండంత బలం తో ముందుకు వెళ్ళగలుగుతాడు. ఆ రక్షించే వాడిని ఒక్కో మతం వాళ్ళు ఒక్కొ రకంగా పిల్చుకొంటారు.
-----
మతం అంటే ఏమిటో చాలా చక్కగా చెప్పారు.

Unknown said...

Baaga raasaru, 100% correct meeru. Kaani artham avvalsina vallaku artham avutundaaa? Naaku doubt ee.

Anonymous said...

Wise words.

తివిరి ఇసుములో తైలంబు తీయవచ్చు ... అన్నట్టు, మహిషుని మనసు రజింప నలవి కాదు అనేది ముగింపు.
అది ఇలాంటి సెన్సేషనల్ కాంట్రొవర్సియల్ రాతల ద్వారానైనా ఓ గుర్తింపు పొందుదామన్న తపన. ఆబ్లాగ్ విజిటర్స్ కూడా అందుకు దోహదం చేస్తున్నట్లే. కాబట్టి లౌకిక పాఠకులు అక్కడ కామెంట్లు ఆ బ్లాగ్ ఓపన్ కూడా చేయవద్దని మనవి.

Anonymous said...

ఈయన ఒకసారి తను హిందు వ్యతిరేక నాస్తికుడినని చెప్పుకున్నాడు. నాస్తికులకు కూడా మతాలుంటాయటా

Saikiran said...

Well said. In the beginning, I too followed his blog. I too thought he is an intellectual. I was proved wrong.
W/R-Saikiran

Anonymous said...

it's 100% waste of time to even talk with him let alone talk about him.
As someone has said previously it's just like rain on bull.

మంచు said...

Excellent !!!

శీను said...

మూర్ఖుడు.
ప్రతి రాతలోను హిందూ వ్యతిరేకతను కక్కుతుంటడు.
ఎదైనా అంటే ఇష్టం వుంటే చదవండి లేకపోతె లేదు అంటూ రెచ్చగొడుతుంటడు.

ఎదేమైన అతని బ్లాగును చట్టబద్దంగా మూసేసే ప్రక్రియ వుందా లేదా అనేది నేను పరిశీలుస్తున్నాను.

Kathi Mahesh Kumar said...

http://parnashaala.blogspot.com/2009/05/blog-post_12.html
బ్రాహ్మనికల్ ఆటిట్యూడ్ - రేరాజుకు కొన్ని సమాధానాలు

Anonymous said...

కట్టి మహేష్ వివిధ స౦దర్బాలలో రాసిన "You have already taken a stand. So, I have nothing to explain but give you some perspective.", "అది మీ అవగాహనారాహిత్యం" కామెంటును లెక్కపెట్టి చెప్పినవారికి మ౦చి బహుమానము.

Anonymous said...

Brah·min·ism (brä'mĭ-)
n. Hinduism
The religious practices and beliefs of ancient India as reflected in the Vedas.
The social and religious system of orthodox Hindus, especially of the Brahmins, based on a caste structure and various forms of pantheism.

Anonymous said...

Brahmanism refers to the whole way of life associated with the Brahman caste in Hindu India (see Brahmans). Specifically, Brahmanism is a development of earlier Vedism (see Vedism), which was the religion of the Indo-European Aryans who entered India in the second millennium BCE. Brahmanism, like Vedism, reveres the ancient rituals and sacred texts or śruti (see śruti)—the Vedas (see Vedas) and the Brāhmaṇas, Upaniṣads, and Āraṇyakas (see Brāhmaṇas, Upaniṣads, and Āraṇyakas) that grew out of them—but it also places a great deal of trust in the myths contained in less sacred texts or smṛti (see smṛti) such as the epics, the Mahābhārata (see Mahābhārata) and the Rāmāyaṇa (see Rāmāyaṇa), the Purāṇas (see Purāṇas), and various books of Hindu law.

Anonymous said...

Adjective: brahminical
Of or relating to or characteristic of a brahmin

ఇప్పుడు చెప్పండి కత్తి గారు, ఇవి ఒక కులానికి సంబంధించినవా కాదా అని?

astrojoyd said...

4.దళిత బ్లాగుల్ని ఇస్లామిస్టు టెర్రరిస్టు భావజాలంతో పోల్చారు. But let me tell you, అలా దళితభావజాలం కాకూడదని మీరు దేవుడిని అర్జంటుగా ప్రార్థించుకోవడం మంచిది. పగ,ప్రతీకారం,ద్వేషం, హింసను దళితవాదం ప్రేరేపించేట్లయితే ఇప్పటికి ఎన్ని తలలు తెగిపడేవో ఒకసారి ఆలోచించుకో. If you want to drive Dalit movement towards it...just think it over.


Dear forceps by writing like this r u showing ur vengence? r u yourself proviking dalits?THERE R SOME RULES IN WAR ND WRITING,but i feel u forgot it..

Anonymous said...

కత్తి {Edited}. కానీ దాన్ని మరిచి పోయి ఎదుటివాడిని ఎదవను చేయాలనీ వాడి ఆరాట౦. దానికోస౦ వాడు వెయ్యని తి౦గరి వేషాలు లేవు. {Edited}అది మనవాడి టాలె౦టు. ఇప్పటికే ఎ౦తో మ౦ది అ ప౦డితుడి ను౦చి పారిపోయి బతుకు సాగిస్తున్నారు. దూర౦ జరగర భాయి.

Anonymous said...

వాల్మీకిపురం లో మాఫియా కార్యకలాపాలు నిన్ని ఆ వూరివాళ్ళ ముఠాని పోలీసులు వలపన్ని పట్టుకున్నారట. ఆవూళ్ళో వాళ్ళతో మాఫియాఏమిటా అని ఆశ్చర్యపోయాము గానీ చాలా వ్యవహారమే ఆ వూళ్ళోజరుగుతున్నట్టున్నాయి!

Reddy said...

"ఈయన ఒకసారి తను హిందు వ్యతిరేక నాస్తికుడినని చెప్పుకున్నాడు. నాస్తికులకు కూడా మతాలుంటాయటా "

Is that true?
It (హిందు వ్యతిరేక నాస్తికుడినని) is very funny. :)

Anonymous said...

కాలక్షేపం గారు మీరు కత్తిపండును ఏమీ అనకండి బాబూ, మనకు ఇక్కడుండే మొదటి బఫూన్ ఆయనే.